విద్యార్ధినిపై యువకుడి హత్యాయత్నం

తిరుపతి: తిరుపతి పట్టణంలోని ఓ కళాశాల వద్ద సదరు కాలేజీ విద్యార్ధినిని సమానమైన వయస్సు ఉన్న మరో యువకుడు చున్నీతో మెడచుట్టూ బిగించి హత్యాయత్నం చేయబోయాడు. రాష్ట్రంలో వరుస ప్రేమోన్మాద ఘటనల నేపథ్యంలో శుక్రవారం నాడు తిరుపతిలో జరిగిన ఈ తరహా సంఘటన ఒకటి సంచలనం కలిగించింది. అయితే ఇది గమనించిన స్థానికులు సకాలంలో యువకుడిని పక్కకు లాగి యువతిని రక్షించారు. ఉన్మాద స్థితిలో ఊగిపోతున్న యువకుడికి స్థానికులు దేహశుద్ది చేసి పోలీసులకు అప్పగించారు. ప్రేమ వ్యవహారమే ఈ సంఘటనకు దారి తీసినట్లు స్థానికులు, పోలీసులు భావిస్తున్నారు.